پاکستانی ماہرِ حشرات ڈاکٹر رحمٰن انور سیّد اور ان کی سائنسی دریافت

-

پاکستانی سائنسدان ڈاکٹر رحمن انور سید بین الاقوامی شہرت رکھنے والے ماہر علم الحشرات تھے۔ آپ اپنی مشہور تحقیق "آئل پام کی حیاتیاتی طریقہ سے پولینیشن" کے باعث دنیا میں جانے جاتے ہیں۔

تعلیم مکمل کرنے کے بعد کامن ویلتھ انسٹیٹیوٹ فار بایولاجیکل کنٹرول کی جانب سے آپ کو ملائشیا میں تعینات کیا گیا جہاں یونی لیور کے چیئرمین نے آپ کی خدمات مستعار لیں اور درخواست کی کہ آپ آئل پام کی پولینیشن کا کوئی حیاتیاتی طریقہ وضع کریں۔

آئل پام صنعتی اعتبار سے انتہائی اہم پودا ہے۔ اسی سے پام آئل حاصل کیا جاتا ہے. مگر اس وقت تک اس پودے کی پولینیشن قدرتی طور پر ہوا سے ہوتی تھی یا پھر ہاتھوں سے کی جاتی تھی جو کہ سست اور مہنگا عمل تھا۔

ڈاکٹر رحمن انور نے دریافت کیا کہ کیمرون(افریقہ) میں ایک طرح کا وی ول (بیٹل) ہے جو وہاں موجود آئل پام پودوں کی قدرتی طور پر پولینیشن کرتا ہے۔ اس سے پہلے دنیا آئل پام کی اس طریقہ سے پولینیشن کے متعلق نہیں جانتی تھی۔1979 میں آپ نے اپنی تحقیق بین الاقوامی جریدے بلیٹن آف اینٹامالیجیکل ریسرچ میں شائع کروائی۔


آپ کے مشورہ پر افریقہ سے آئل پام وی ول ملائشیا درآمد کیے گئے اور وی ول کے ذریعے سے آئل پام پودوں کی پولینیشن کروائی گئی۔ پہلے ہی سال ملائشیا میں آئل پام کی پیداوار میں 370 ملین ڈالر کا اضافہ ہوا۔ ملائشیا کی معیشت کو بہتر بنانے کے صلہ میں ملائشیا کی حکومت نے آپ کو اپنے اعلی ترین خطاب "داتوک" سے نوازا۔

آج پوری دنیا میں آئل پام پودوں کی پولینیشن اسی طریقہ سے کی جاتی ہے۔

تبصرے

ایک تبصرہ شائع کریں

اس بلاگ سے مقبول پوسٹس

عظیم پاکستانی سائنسدان اور ان کے سائنسی کارنامے

-
تصویر
ڈاکٹر رضی الدین صدیقی ڈاکٹر سلیم الزمان صدیقی ڈاکٹر رفیع محمد چوہدری ڈاکٹر ایوب خان اومایا ڈاکٹر رحمٰن انور سیّد ڈاکٹر عطاءالرحمٰن ڈاکٹر عذرا قریشی ڈاکٹر تسنیم زہرہ حسین ڈاکٹر فاطمہ خانزادی خٹک اس پوسٹ کو اپنے دوستوں کے ساتھ شئیر کیجئے اور ہمیں اپنی رائے سے کمنٹ کے ذریعے آگاہ کیجئے۔
مزید پڑھیں

وائرس کیا ہیں اس قدر مہلک کیوں ہوتے ہیں؟

-
تصویر
آپ روز مرہ زندگی میں بہت ساری بیماریوں کے بارے میں  سنتے رہتے ہیں اور اکثر ان بیماریوں کا تعلق کسی نہ کسی وائرس سے ہوتا ہے۔ جسے کہ پولیو، ڈینگی بخار، ایڈز، ہیپاٹائٹس، وغیرہ آج ہم جاننے کو کوشش کریں گے کہ آخر وائرس کیا ہیں اور وائرس ہی کیوں اتنی ہولناک بیماریاں پیدا کرتے ہیں؟ وائرس دراصل ایسے ذرات ہیں جو زندہ خلیوں میں داخل ہو کر انہیں تباہ کرنے کی صلاحیت رکھتے ہیں۔ یہاں وائرس کے لیے لفظ ذرات کا استعمال کیا گیا ہے اس کی وجہ یہ ہے کہ ابھی تک سائنس یہ فیصلہ نہیں کر پائی کہ وائرس زندہ اشیاء ہیں یا نہیں۔ تمام زندہ اشیاء خلیوں پر مشتمل ہیں جبکہ وائرس خلیوں سے نہیں بنے۔ تمام زندہ اشیاء کو توانائی کی ضرورت ہوتی جبکہ وائرس کو توانائی کی بالکل بھی ضرورت نہیں۔ لیکن وائرس میں چند خوبیاں ایسی بھی ہوتیں ہیں جو زندہ اشیاء میں پائی جاتی ہیں۔ مثال کے طور زندہ اشیاء کی طرح ان میں بھی وراثتی مادہ موجود ہوتا ہے اور اگرچہ وائرس تولید کی صلاحیت نہیں رکھتے لیکن زندہ اشیاء کی طرح یہ بھی اپنی نسل کی تعداد بڑھانے کی صلاحیت رکھتے ہیں۔ اس بات سے قطع نظر کہ وائرس جاندار ہیں یا بے جان سوال یہ ہے کہ...
مزید پڑھیں

نظریہ ارتقاء کو سمجھنے کے لیے ضروری لوازمات

-
تصویر
چارلس ڈارون کا خاکہ ہم نے اکثر دیکھا ہے کہ جب بھی ارتقاء کی بات ہوتی ہے تو ایک لا متناہی بحث کا آغاز ہو جاتا ہے جو کہ فقط بحث برائے بحث بن کر رہ جاتی ہے۔ ایک گروہ نظریہ ارتقاء کی تائید کرتا ہے جبکہ دوسرا گروہ تردید۔ ایک دوسرے کو غلط ثابت کرنے کے لیے ہر جتن کام میں لایا جاتا ہے مگر دونوں ہی گروہ اپنے اپنے نظریات پر قائم رہتے ہیں۔ یہاں یہ سوال اٹھتا ہے کہ آخر ایسا کیوں ہے کہ ارتقاء کا نام لیتے ہی دو گروہوں کا ٹکراؤ سامنے آتا ہے؟ آئیے اس سوال کا جواب تلاش کرتے ہیں۔ نظریہ ارتقاء ایک دقیق موضوع ہے جس کو سمجھنے کے لیے ہمیں حیاتیات کی عمیق سمجھ کا ہونا بہت ضروری ہے۔  نظریہ ارتقاء کے مطابق ارتقاء کا آغاز خلیوں میں موجود جین میں ہونے والی تبدیلیوں سے ہوتا ہے اس لیے پہلے تو ہمیں خلیوں کے متعلق تمام معلومات ہونی چاہئے جس کے لیے سیل بیالوجی پڑھنی پڑے گی۔ پھر جین کیسے بدلتے ہیں اس کے لیے آپ کو بنیادی مالیکیولر بیالوجی کا علم ہونا چاہئے اس کے علاوہ جین منتقل کیسے ہوتے ہیں اور جین سے متعلق دیگر عوامل کی معلومات کے لیے جینیات کی بنیادی سمجھ بھی ضروری ہے۔ اب جب جین میں تبدیلی ...
مزید پڑھیں